اجر العماله من أكتر العوامل اللى بتدخل معانا فى تكلفه المنتج وبيكون ليها تأثير كبير فى تحديد الاسعار للمنتجات اللى بصنعها وابيعها.عشان اقدر احقق هامش الربح المستهدف أو على الاقل احدد سعر بيع يغطى التكلفه بتاعتى .
وعشان كمحاسب تكاليف امشى مظبوط واحدد هو المنتج بتاعى اتكلف اد ايه بالظبط من الاجور وفى نفس الوقت التوجيه المحاسبي بتاعى يكون مظبوط والمعالجه المحاسبيه صح كنظام محاسبه ماليه تكون دقيقه لازم ناخد فى اعتبارنا شوية حاجات.
تحديد الأجور المستحقة
عامل الوقت هو عامل مهم جدا فى اغلب الاحوال فى تحديد الاجور المستحقه لكل عامل جوه المصنع وكمان اقدر احسب كل طلب عماله اخد وقت اد ايه من العامل ده وبكدا هاقدر احسب هو الوظيفه دى نصيبها كام من تكلفة اجر العامل وعشان كدا من المفترض انى بصمم بطاقة حضور وانصراف للعامل بتاعى بحسب فيها اجمالى الساعات بتاعته جوه المصنع كانت اد ايه عشان اشوف هو مستحق ليه كام ,وكمان بصمم بطاقة تشغيل او work sheet اللى بتكون مع مشرفي الانتاج وبيحددوا من خلالها كل عامل اشتغل كام ساعه على الامر الانتاجى ده المنتجات.افضل اسعار برنامج محاسبة ERP في الوطن العربي
عشان اكون دقيق فى المعالجه المحاسبيه وكمان تحديد تكلفة المنتج من الاجور بشكل سليم لازم نفصل ونفرق مابين الحاجات اللى هانقول عليها الآن
1- تكلفه الوقت الضائع
وهنا لازم نفرق مابين الوقت الضايع الطبيعى اللى كدا كدا غصب عنى بتحمله دا بعتبره تكلفه عماله مباشره وبحمله على الاوامر عادى جدا، وفى الوقت الضايع بسبب دلع العمال او اسباب طارئه نتيجة الاعطال وده بعتبره من ضمن الخسائر الغير العاديه وبقفله فى الارباح والخسائر وفى رأى بيقول اننا نعتبره من ضمن التكاليف الغير مباشره ونعيد توزيعه على المنتجات او الاوامر ككل.اسرع دعم فني
2- الاجر الاضافي
ودا الاجر اللى بديه للعامل بسبب شغله فى اوقات العمل الغير رسميه وفى الغالب بيكون معدل اجر الساعه فيها اعلى من معدل الاجر الساعه العادى يعنى مثلا بحسبله الساعه بساعه ونص لو بياخد فى الساعه 10 ج يبقا ساعة الاجر الاضافى هاتكون ب15ج وهنا بنقسم ال15ج دول ل10ج اللى معدل اجر الساعه الطبيعى ودى هانعتبره تكلفه مباشر وال5 ج اللى هى مقدار الاضافه او العلاوه ودى بعتبرها من ضمن التكاليف الغير مباشره. اطلع علي افضل برنامج حسابات العامه
3- المزايا العينيه
ودى الخدمات اللى بقدمها للموظفين زى السكن والاكل والرحلات وغيرها وفى الغالب العناصر دى بتكون مرتبطه بمراكز خدمه وبتتوزع من ضمن التكلفه الغير مباشره على الاوامر كلها
4- حصه الشركه في التامينات والمكافأت
تعتبر حصة الشركة فى التأمينات والمنح ودى بتختلف فى توجيهها باختلاف الشخص اللى هاقدمهاله يعنى لو هاتروح لموظفى التسويق يبقا تدرج ضمن تكاليف التسويق ولو هاتروح لعمال الانتاج بعتبرها تكاليف اجور مباشره او غير مباشره حسب موقع العامل من العمليه الانتاجيه وهكذا لو كانت هاتروح لموظف ادارى.
أهمية القيود المحاسبية لمحاسب التكاليف
ودى اخر خطوه ومن اهم الخطوات اللى بتميزك كمحاسب تكاليف فاهم التوجيهات بتاعته كويس وتأثيرها على القوائم الماليه هايكون ماشى ازاى ولازم نعرف ان اجور الانتاج هنا بنعتبرها ضمن تكلفة الانتاج وليست مصروف وبعد مابنقسم ونصنف الاجور ونعرف المباشر منها والغير مباشر بنعمل القيد ده:
الاول بنثبت استحقاق الاجور للعماله :
10000من ح الاجور المباشره
13000من ح الاجور غير المباشره
23000الى ح الاجور المستحقه
بعد كدا بحمل الاوامر الانتاجيه بتكلفة الاجور المباشره ونصيبها من الاجور الغير مباشره
من ح الانتاج تحت التشغيل
5000الامر رقم...
2000الامر رقم..
3000الامر رقم..
10000الى ح الاجور المباشره.
كدا حملت االاوامر الانتاجيه بتكلفة الاجور المباشره كل امر حسب استفادته من العمال.
كيفية توزيع تكاليف الاجور الغير مباشرة
بعد كدا بنوزع تكاليف الاجور الغير مباشره زى المزايا العينيه والتأمينات والوقت الضائع الغير مسموح به وبوزع التكاليف دى على الاوامر بعد مابتختار اساس توزيع مناسب سواء عدد الساعات المباشره او ساعات عمل الاله كل بند حسبه الاساس المناسب ليه وبنعمل القيد ده:
من ح الانتاج تحت التشغيل
6000الامر رقم...
4000الامر رقم..
3000الامر رقم..
13000الى ح الاجور غير المباشره .
وبكدا هعرف كل امر اتكلف اد ايه من الاجور المباشره ونصيبه من الاجور غير المباشره وفى نفس الوقت وجهت القيود محاسبيا.
لمعرفة افضل برنامج حسابات فى مصر والعالم العربى من اكفليكس كما يمكنك طلبع عرض السعر حالا
أضف تعليقاً