نظام المراحل الانتاجيه هو النظام المناسب في حاله المنتج اللى بيمر فى انتاجه على مراحل او اقسام مختلفه زى المصانع اللى بتنتج الكشاكيل فى الاول بيتم تقطيع الورق بمقاسات مختلفه وبعد كدا بيدخل مرحله تانى وهو ان الورق بيتقسم لاحجام مختلفه حسب عدد الورق فى الكشاكيل وبعد كدا بيدخل خط انتاج تانى عشان يتغلف ويكون منتج تام وزى مصانع انتاج الحديد والصلب.
وهنا المطلوب منى كمحاسب تكاليف انى احدد هو المنتج كلفنى اد ايه فى كل مرحله وانقله على المرحله اللى بعدها بالتكلفه دى وبسجل الكلام ده فى تقارير الانتاج بتاعتى ، وبكدا نقدر نميز نظام المراحل الانتاجيه عن غيره من نظم التكاليف وبالاخص نظام الاوامر الانتاجيه فى ان نظام المراحل الانتاجيه هو نظام نمطى بدرجه اكبر.
التسلسل المنطقي لنظام المراحل الانتاجية
القيود اليوميه
فى البدايه بنشترى الخامات بتاعتنا من الامدادات ونجهز الدنيا للشغل وذى اي عمليه شراء فى الدنيا بثبتها بالشكل ده
1000000 من ح/ مخزون مواد خام
1000000 الى ح/الموردين اوالكاش
كدا انا جيبت خاماتى والعماله جاهزه للشغل والمعدات فى اماكنها وكله تمام
ادارة الانتاج بترسل لامناء المخازن حاجه اسمها اذن صرف من خلالها بيصرفوا كميات معينه من الخامات دى لمراحل الانتاج او للاقساام
ولما بيتم الصرف فعليا بنثب اللى اتصرف بالقيد ده
10000ج من ح/الانتاج تحت التشغبل المرحله الاولى
10000 الى ح/مخزون المواد الخام
وبكدا احنا عرفنا المرحله دى كلفتنا اد ايه من المواد الخام او المواد المباشره(اللى هى اول عنصر من عناصر التكاليف)
كيفية تحويل المنتج من مادة خام إلى مادة تام
تعالو نعرف المرحله دى كلفتنا اد ايه من تكاليف التحويل وبيسموها تكاليف التشكيل وسموها كدا لان التكاليف هى اللى بتساهم فى تحويل المنتج من ماده خام ل منتج تام لان الماده الخام فى حد ذاتها مش هاتعملىي منتج لازم عماله تشتغل ومع العماله دى بتكلف مصروفات تانى ذى الايجار والكهرباء واهلاك والضرايب وخلافه.
كيفية حساب الاجور للعاملين
اجور عمال القسم او المرحله دى فمن السهل انى احدد تكلفتهم من خلال انى بعرف كل المنتج استغرق وقت اد ايه فى المرحله دى ومعدل اجر الساعه كام ودا بيتم من خلال كشف كدا محاسب التكاليف بيسجل فيه عدد الساعات لكل عامل لو العامل احمد اشتغل 10 ساعات * 20ج للساعه الواحده اذا المنتج اتكلف 200ج اجور العامل احمد وهكذا لباقى العمال.
وبعد مابشوف المرحله دى اتكلفت اد ايه من الاجور (المباشره والغير مباشره) وكمان بشوف نصيب المرحله دى من التكاليف غير مباشرة (وهانتكلم فى النقطه دى كتير) بعمل القيد ده
20000 من ح/الانتاج تحت التشغيل-المرحله الاولى
الى مذكورين
10000ح/الاجورالمباشره والغير مباشره
5000ح/مصروف الايجار
5000ح/مصروف التامين
وبكدا نكون عرفنا المرحله دى كلفتنا اد ايه لحد دلوقت
10000 مواد خام+20000تكاليف تحويل.
فلو انا كنت هانتج 10000 كشكول فالكشكول الواحد مكلفنى لحد دلوقت 2ج
وبعد كدا بننقل المنتج لمرحله تانيه عشان يتم
20000 من ح/المرحله التانيه
20000 الى ح/ المرحله الاولى
ازاى اتابع مراكز التكلفة وحساب الاجور
ومن هنا هاقدر اتتبع مراكز التكلفه بتاعتى واعرف هى وصلت لفين والكلام ده هايكون فى شكل تقرير بيقول ان الفلوس طلعت من الخزنه راحت المخزن فى شكل مواد خام و طلعت من المخزن راحت للمنتج فى شكل انتاج تحت التشغيل.
الفلوس طلعت من الخزنه راحت مباشره على الانتاج تحت التشغيل فى شكل حساب الاجور ومصروفات اخري.
وكل دول طلعوا من المرحله دى راحت مرحله تانى
ودا اللى يميز محاسب التكاليف عن المحاسب المالى اللى هدفه انه يعمل فى النهايه قوائم ماليه وفقا للمعايير.
محاسب التكاليف بيحدد المنتج اتكلف اد ايه وايه سعر البيع المقترح عشان اقدر اغطى تكلفته
هايقول هو المنتج ده بيساهم فى تغطيه التكاليف فى الشركه بمقدار ادايه واستمر فى انتاجه ولا لا.
ودا بخلاف التقارير التحليله اللى بيقدمها لتحليل تكلفة المنتج فى كل مرحله فى نظام المراحل الانتاجيه
اطلب عرض سعر لافضل برنامج محاسبة فى مصر والشرق الأوسط من أكفليكس
أضف تعليقاً